ධර්මය මගින් ජීවිතය ආලෝකමත් කරන්න
ශ්රී ජේතවනාරාමය බුද්ධ දේශනා, දහම් අධ්යාපනය හා සමාජ සේවාවන් සමගින් ඔබේ ජීවිතයට ආත්මීය වටිනාකමක් එක් කරයි.
සාරාංශය
ශ්රී ජේතවනාරාම විහාරස්ථානය - ඉඳුරාගාර
ශ්රී ජේතවනාරාම විහාරය 1957 වර්ෂයේදී මහෝපාධ්යාය ශාසන කීර්ති ශ්රී පඤ්ඤාජෝති වංශාලංකාර අතිපූජ්ය මඩම්පැල්ලේ සිරිසුධම්ම මහා ස්වාමීන්වහන්සේගේ නායකත්වයෙන් ආරම්භ වී ඇති අතර, වර්තමානය වනවිට විශාල විහාරස්ථානයක් ලෙස සංවර්ධනය වී ඇත. දීර්ඝ කාලයක් පුරා විහාර මන්දිරය, ධර්මශාලාව, බෝධි බැම්ම, චෛත්යය, පුස්තකාලය යන ආදී ආගමික වාස්තු සම්පත් ඉදිකිරීම මෙන්ම ගම් සංවර්ධනය සම්බන්ධයෙන්ද විශාල සේවයක් ඉටුකර ඇත.
නමෝ තස්ස භගවතෝ අරහතෝ සම්මා සම්බුද්ධස්ස !!!
“ජගදුපකෘතිරේව බුද්ධ පූජා” — පූජ්ය ඉඳුරාගාරේ ධම්මරතන ස්වාමීන් වහන්සේ
"අමතං දදෝ ච සෝ හෝති,
යෝ ධම්ම මනුසාසති"
- නමෝ තස්ස භගවතෝ අරහතෝ සම්මා සම්බුද්ධස්ස !!!
ඉතිහාසය
විහාරයේ ආරම්භය
1957 වසරේදී අතිපූජ්ය මඩම්පැල්ලේ සිරිසුධම්ම හිමියන් විසින් ආරම්භක විහාරාධිපති වශයෙන් පිහිටුවූ ඉඳුරාගාර ශ්රී ජේතවනාරාම විහාරය, මුලදී පර්චස් 30ක භූමියකින් ආරම්භ වී, අද වන විට අක්කර 2.5ක් වන තරම් විශාල වී ඇත.
1969 සිට විහාර මන්දිරය, ධර්මශාලාව, බෝධි බැම්ම, දාන ශාලාව, ආවාස ගෘහය, විදුලිබලය, දුරකථන පහසුකම්, වළාකුළු බැම්ම, දැල් ශාලාව, පුස්තකාලය, නවග්රහ දේවාලය, සිංහ රූප සහිත තාප්පය, දහම් පාසල ආදී ව්යාපෘති ක්රමයෙන් ඉදිකිරීම් සිදු විය.
පැරණි පුස්තකාලය ඉවත් කර නව චෛත්යය වන චෛත්යරාජයාණන් වහන්සේ 2016 ජනවාරි 20 දින මුල්ගල් තබා 2017 මැයි 21 දින විවෘත කෙරුණි. මෙම වැඩසටහන සාර්ථක කළේ ආචාර්ය එස්.ඒ. රංජිත් ගුණවර්ධන මහතාගේ ප්රධාන සහයෝගයෙනි. ඔහුගේ උපන් දිනය වන නොවැම්බර් 06 දා වාර්ෂික චෛත්යපූජා දිනය වශයෙන් සැමරෙයි.
